Plantun de Prouvènço

Pèr coumpara dos planto d'encò nostre

Thalictrum flavum & Grimmia orbicularis

Thalictrum flavum

Ranunculaceae

Noms en français : Pigamon jaune, Pigamon des rives.

Descripcioun :
La rudo-de-prat se rescontro dins li relarg umide, prado e roubino. Es uno planto gaire coumuno au nostre. Èi pulèu grando, sènso péu e poulideto emé sis estamino bèn jauno. Se destrìo de Thalictrum lucidum bonodi si fueio que soun bèn mai larjo (>3mm) emé de tros en lanço (fotò).

Usanço :
Li racino ajudon à caga e à pissa. Li fueio en bouioun soun lachativo. La racino s'utiliso pèr tencha la lano en jauno.

Port : Grando erbo
Taio : 80 à 150 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Thalictrum
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Roubino - Prado umido
Estànci : Mesoumediterran
Couroulougi : Éurasiatico
Ref. sc. : Thalictrum flavum L., 1753

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.